Num 36 | NdeIBE | STEP | Izinhloko zezindlu zosendo luka-Gileyadi indodana kaMakhiri, indodana kaManase, ababengabezinsendo zezizukulwane zikaJosefa, beza bakhuluma loMosi kanye labakhokheli, abazinhloko zezimuli zako-Israyeli.

Numbers 36

Ilifa lamadodakazi kaZelofehadi

1 Izinhloko zezindlu zosendo luka-Gileyadi indodana kaMakhiri, indodana kaManase, ababengabezinsendo zezizukulwane zikaJosefa, beza bakhuluma loMosi kanye labakhokheli, abazinhloko zezimuli zako-Israyeli. 2 Bathi kubo, “Lapho uJehova walaya inkosi yami ukuba iphe ilizwe njengelifa ngenkatho kwabako-Israyeli, yakhupha isiqondiso sokuthi uphe ilifa lomfowethu uZelofehadi kumadodakazi akhe. 3 Khathesi akesithi thina nxa bendele emadodeni ezinye izizwana zako-Israyeli; kuzakutsho ukuthi ilifa lizasuswa kwelabokhokho bethu liyekwengezelela elaleso sizwana abazakwendela kuso. Ngakho kutsho ukuthi ingxenye yelifa esaliphiwayo sizayithathelwa.

4 Kuzakuthi ngomnyaka weJubhili kwabako-Israyeli, ilifa labo lizakwengezelela elalesozizwana abendele kuso, njalo impahla yabo izasuswa elifeni lesizwana sabokhokho bethu.”

5 Ngakho ngokulaya kukaJehova uMosi wakhipha lesisiqondiso kwabako-Israyeli: “Lokho okutshiwo yisizukulwana sesi-zwana sikaJosefa kuqondile. 6 Lokhu yikho ukulaya kukaJehova ngamadodakazi kaZelofehadi: Bakhululekile ukwendela loba kukubani obathathayo kodwa akube ngabosendo lwesizwana sikayise. 7 Kalikho ilifa ko-Israyeli elizasuka esizwaneni lisiya kwesinye isizwana, ngoba wonke owako-Israyeli kumele agcine ilizwe lesizwana eliyilifa labokhokho bakhe.

8 Yonke indodakazi ezakuba yindlalifa yelizwe esizwaneni sako-Israyeli kumele yendele emuntwini wesizwana sosendo lukayise, ukuze wonke owako-Israyeli abe lelifa laboyise.

9 Kalikho ilifa elizasuka esizwaneni lisiya kwesinye isizwana, ngoba loba yisiphi isizwana sako-Israyeli kumele sigcine ilizwe eliyilifa laso.”

10 Ngakho amadodakazi kaZelofehadi enza njengokulaywa kukaMosi nguJehova.

11 Amadodakazi kaZelofehadi – uMahla, uThiriza, uHogila, uMilikha kanye loNowa – bendela emadodaneni abafowabo bakayise.

12 Bendela kwabezi-nsendo zezizukulwane zikaManase indodana kaJosefa, njalo ilifa labo lasala kwabosendo lukayise lesizwaneni sakhe.

13 Le yiyo imilayo lemithetho eyaphiwa abako-Israyeli nguJehova ngoMosi emagcekeni aseMowabi ngasemfuleni waseJodani ngakuleli iphetsheya malungana leJerikho.